लमजुङ । एकमात्रै संघीय निर्वाचन क्षेत्र रहेको लमजुङमा नेपाली कांग्रेसले अग्रता लिएको छ ।
मुख्य निर्वाचन कार्यालय लमजुङका मुख्य निर्वाचन अधिकृत शिशिरराज ढकालका अनुसार नेपाली कांग्रेसका उम्मेदवार गमप्रसाद गुरुङ १ सय ७७ मतका साथ अग्रता लिएका छन् ।
यस्तै नेकपा (एमाले) का पृथ्वी सुब्बा गुरुङले १ सय १८, राष्ट्रिय स्वतन्त्र पार्टीका धर्मराज केसीले १ सय १०, नेकपाका उम्मेदवार हरिजङ्ग तामाङले ३४ र श्रम संस्कृति पार्टीका कोषलाल गुरुङले १३ मत प्राप्त गरेका छन् । दूधपोखरी गाउँपालिका–४ मा रहेको दुई मतदान केन्द्रमा खसेको ४ सय ९५ मत गणना सम्पन्न भएको हो ।
जिल्लामा १ लाख ३७ हजार १ सय २४ मतदातामध्ये ७५ हजार ८५ मत खसेको थियो । यहाँ १ सय ३० मतदानस्थल तथा १९२ मतदान केन्द्र रहेका थिए । यस क्षेत्रबाट २०७९ सालको निर्वाचनमा एमाले उम्मेदवार पृथ्वी सुब्बा गुरुङ विजयी भएका थिए ।
