काठमाडौं । विश्वव्यापी घरेलु मनोरञ्जन तथा विद्युतीय उपकरण ब्रान्ड टीसीएलले एयर कन्डिसनर व्यवसायमा महत्वपूर्ण विश्वव्यापी उपलब्धि हासिल गरेको छ ।
फ्रस्ट एन्ड सुलिभानले जारी गरेको बजार अवस्थासम्बन्धी प्रतिवेदनअनुसार सन् २०२१ देखि सन् २०२६ को पहिलो त्रैमासिकसम्म टीसीएल एयर कन्डिसनरको विश्वव्यापी सञ्चित बिक्री १० करोड युनिट नाघेको हो ।
उक्त बजार अवस्थासम्बन्धी प्रतिवेदन सन् २०२६ जुनमा जारी गरिएको हो । विश्व एयर कन्डिसनर बजारसम्बन्धी व्यापक अनुसन्धानका आधारमा फ्रस्ट एन्ड सुलिभानले टीसीएलको उक्त विश्वव्यापी बिक्री उपलब्धिलाई प्रमाणित गरेको हो । यस उपलब्धिले विश्व एयर कन्डिसनर बजारमा टीसीएलको बढ्दो उपस्थिति, उपभोक्ता स्वीकार्यता तथा ब्रान्डप्रतिको विश्वासलाई थप मजबुत बनाएको कम्पनीले जनाएको छ ।
चीनको एयर कन्डिसनर निर्यातमा टीसीएल दोस्रो
टीसीएलले एयर कन्डिसनर निर्याततर्फ पनि उल्लेखनीय उपलब्धि हासिल गरेको छ । चाइनाआइओएलको तथ्याङ्कअनुसार सन् २०२४ मा टीसीएलले चीनमा १ करोड ९१ लाख ७० हजार थान घरेलु एयर कन्डिसनर उत्पादन गरेको थियो। यसले कम्पनीलाई उत्पादनका आधारमा उद्योगका शीर्ष तीन कम्पनीभित्र राखेको छ ।
सोही अवधिमा टीसीएलको एयर कन्डिसनर निर्यात १ करोड ३८ लाख १० हजार थान पुगेको थियो। यससँगै टीसीएल चीनबाट हुने एयर कन्डिसनर निर्यातमा दोस्रो स्थानमा रहेको चाइनाआइओएलको तथ्याङ्कमा उल्लेख छ । चीनका शीर्ष तीन एयर कन्डिसनर निर्यातकर्तामध्ये टीसीएलले सबैभन्दा उच्च निर्यात वृद्धि दर हासिल गरेको पनि उक्त तथ्याङ्कले देखाएको छ ।
विश्व बजारमा बढ्दो उपस्थिति
विश्वका विभिन्न बजारमा टीसीएल एयर कन्डिसनरको विस्तारसँगै कम्पनीले उत्पादन प्रविधि, ऊर्जा दक्षता, स्मार्ट प्रविधि, इन्टरनेटसँगको सम्पर्क तथा प्रयोगकर्तामैत्री सुविधामा निरन्तर लगानी गर्दै आएको छ । कम्पनीका अनुसार विश्वव्यापी बजारमा हासिल भएका यी उपलब्धिले उत्पादन क्षमता मात्र नभई अनुसन्धान तथा विकास, प्रविधि, आपूर्ति शृङ्खला र अन्तर्राष्ट्रिय बजार विस्तारमा भइरहेको निरन्तर प्रगतिलाई समेत प्रतिबिम्बित गर्छ ।
नेपाली बजारमा पनि टीसीएलको उपस्थिति बलियो
विश्व बजारमा टीसीएल एयर कन्डिसनरले हासिल गरेको उपलब्धिले नेपाली उपभोक्तामाझ पनि ब्रान्डप्रतिको विश्वास थप बलियो बनाउने अपेक्षा गरिएको छ । नेपालमा टीसीएलले विभिन्न क्षमता तथा सुविधासहितका एयर कन्डिसनर उपलब्ध गराउँदै आएको छ। यसले घरायसी तथा व्यावसायिक प्रयोगकर्ताका फरक–फरक आवश्यकतालाई सम्बोधन गर्दै आएको कम्पनीको भनाइ छ । विश्वव्यापी स्तरमा स्थापित उत्पादन क्षमता, निरन्तर प्रविधिगत विकास र अन्तर्राष्ट्रिय बजारमा बढ्दो उपस्थितिका आधारमा टीसीएलले नेपाली बजारमा समेत आफ्नो एयर कन्डिसनर व्यवसाय थप विस्तार गर्ने लक्ष्य राखेको छ ।
नेपालमा पनि टीसीएल उपभोक्तामाझ लोकप्रिय घरेलु मनोरञ्जन तथा विद्युतीय उपकरण ब्रान्डका रूपमा स्थापित हुँदै गएको छ । विशेषगरी टीसीएल टेलिभिजन, एयर कन्डिसनर, धुने मेसिन, फ्रिज, पानी वितरण गर्ने उपकरण, संगीत प्रणाली तथा भिआरएफ प्रविधि लगायतका उत्पादन आधुनिक प्रविधि, आकर्षक डिजाइन, उपयोगी सुविधा तथा प्रतिस्पर्धी मूल्यका कारण नेपाली उपभोक्ताको रोजाइमा पर्दै आएका छन् ।
नेपालमा टीसीएलका उत्पादनहरू सीजी इलेक्ट्रोनिक्समार्फत बिक्री तथा वितरण हुँदै आएका छन् । विभिन्न उत्पादन श्रेणीमा आफ्नो उपस्थितिलाई निरन्तर विस्तार गर्दै टीसीएलले नेपाली बजारमा स्मार्ट, नवीन र भरपर्दो घरेलु मनोरञ्जन तथा विद्युतीय उपकरण ब्रान्डका रूपमा आफ्नो पहिचानलाई थप मजबुत बनाउँदै लगेको छ ।
