काठमाडौं । भारत र पाकिस्तानबीच युद्धविराम सम्झौताको घोषणा भएको केही समयपछि रक्षा मन्त्रालयले पत्रकार सम्मेलन आयोजना गर्यो।
एक पत्रकार सम्मेलनमा भारतीय सेनाका अधिकारी कमोडोर आर रघु नायरले भने, “सेना युद्धविराम सम्झौताको पालना गर्नेछ, तर सेना भारतको सार्वभौमसत्ता कायम राख्न ‘सतर्क’ रहनेछ।”
यसैबीच, विङ कमाण्डर व्योमिका सिंहले पाकिस्तानले “भ्रामक प्रचार अभियान” चलाउन धेरै प्रयास गरेको बताएकी छिन्।
यस पत्रकार सम्मेलनमा विङ कमाण्डर व्योमिका सिंहले पाकिस्तानको त्यो दाबीलाई अस्वीकार गरिन् जसमा भारतीय सेनाले आक्रमणमा मस्जिदहरूलाई निशाना बनाएको आरोप लगाइएको थियो।
उनले भने , “हामी सबै धर्मका धार्मिक स्थलहरूको सम्मान गर्छौं।”
उनले भनिन्, “आफ्नो कारबाहीमा, सेनाले ती ठाउँहरूलाई निशाना बनायो जुन आतंकवादी शिविरहरू थिए वा ती ठाउँहरू जुन भारत विरोधी गतिविधिहरूको लागि प्रयोग गरिँदै थियो। म भन्न चाहन्छु कि भारतीय सशस्त्र सेनाले कुनै पनि धार्मिक स्थललाई निशाना बनाएको छैन।”
