काठमाडौं । इन्डियन प्रिमियर लिग (आइपिएल) मा आज मुम्बई इन्डियन्स र दिल्ली क्यापिटल्स भिड्दै छन् । यी दुई टोलि शीर्ष चारका दावेदार हुन् । ५ टोली नकआउट दौडबाट बाहिरिएका छन् भने ३ टोली प्लेअफमा पुगेका छन् ।
मंगलबार दिल्लीको अरुण जेटली स्टेडियममा चेन्नई सुपर किंग्स र राजस्थान रोयल्सबीचको खेल खेलिएको थियो। चेन्नईले १८७ रन बनाएको थियो। जवाफमा रोयल्सले १७.१ ओभरमा मात्र ४ विकेट गुमाउँदै लक्ष्य पूरा गर्यो।
दुवै टोली पहिले नै प्लेअफबाट बाहिरिसकेका थिए। राजस्थानले मंगलबारको खेल जितेर नवौं स्थानमा सिजनको अन्त्य गर्यो। चेन्नईलाई भने अन्तिम खेल जितेर ९ नम्बरमा आउने मौका छ ।
मुम्बईको १२ खेलमा ७ जित र ५ हारसहित १४ अंक छ। आजको खेल जितेमा टोलीले प्लेअफमा आफ्नो स्थान सुरक्षित गर्नेछ। यदि पराजित भए पञ्जाब किंग्सविरुद्धको अन्तिम खेल जित्नु पर्नेछ। दिल्लीले अन्तिम खेल हारोस् भनेर प्रार्थना पनि गर्नुपर्नेछ।
दिल्लीले १२ खेलमा ६ जित र एक बराबरीबाट १३ अंक जोडेको छ। टोली पाँचौं नम्बरमा छ। आजको खेल जितेर दिल्ली चौथो स्थानमा पुग्नेछ र प्लेअफमा पुग्ने आफ्नो आशा जीवित राख्नेछ ।
यदि दिल्लीले अन्तिम खेलमा पञ्जाबलाई हरायो भने टोली प्लेअफमा पनि पुग्नेछ। यदि आज दिल्ली पराजित भए यो दौडबाट बाहिरिनेछ। त्यसपछि अन्तिम खेल जित्नुले पनि कुनै अर्थ राख्ने छैन ।
